Կա այս աշխարհում իմաստուն մեկը,
Ում գրկում քո բոլոր խնդիրները դառնում են չնչին,
Ում կրծքին հենած քո գլուխն ասես
Ազատվում է բոլոր ցավերից,
Ում սիրով լցված աչքերի մեջ դու
Ապրում ես, բայց հաճախ չգիտես,
Թե որքան մեծ ու ազնիվ տեղ ունես...
Այդ մեկի ժպիտի համար պատրաստ ես ամենի գնալ,
Իսկ անգիտակցաբար պատճառած ցավի համար
Անքուն ու տեսակդ կրծող գիշերներ են պետք:
Քո սիրելի ուտեստը կպատրաստի այնպիսի սիրով,
Որ կթվա, որ աշխարհիս երեսին ավելի համեղ բան չկա:
Քո ցավն ու անհանգստությունը ավելի ծանր կտանի
Ու թե հնար լինի, կմարտնչի քո կյանքում հանդիպած բոլոր
արգելքների դեմ:
Նրա շնորհիվ է աշխարհն այնպիսին,
Ինչպիսին դու ուզում ես տեսնել,
Քանի որ կանի ամեն բան քեզ քո պատկերացրած աշխարհը տալու
համար:
Իր ուսերին վրա անգամ կպահի, թե կարիք լինի:
Աշխարհը կանգնուն է, քանի որ դու կաս...
08․02․2019թ․
No comments:
Post a Comment