Իրականություն

Անհաստատ հետքեր, հաստատ ուղի,

Ու ամեն բան մեղադրանք ունի,

Բայց ոչ մեղավոր:

Հին հերակալ, նոր հարդարանք,

Ու մազեր մոլորված` նետելու ապրանք,

Սակայն կամակոր:

Մեծ տուն նեղլիկ քաղաքում,

Պատկեր, որ կարող ես կուլ տալ կում-կում,

Բայց մարսե՞լ արդյոք:

Մեկ հատ խաղալիք, լայն ծիծաղ,

Ծովեր անվերջ ու ծովեր ծանծաղ,

Սակայն որոնց ծանոթ է ամեն ոք:

Դանդաղ մի օր, արագ անցնող կյանք,

Հայացք հատակին, փուչիկ սեղանի տակ,

Բայց ոչ գունավոր:

Տառեր չիմացող աշխարհիկ, գիր սիրող գեղջուկ

Անհասկանալի դուռ ու ներկի մածուկ,

Սակայն պարզ ու մեկնության սովոր:

Աղբամանի մեջ մեռնող ծուխ, ապրել փորձող շիշ

Ձյան հաստ վերմակ, ապրում մի ուրիշ,

Բայց տարօրինակ:

Իրականություն: